LAOAG CITY – Kalikagum ti Sangguniang Panlungsod ditoy siudad ti Laoag a mapagtalinaed ti transparency.
Daytoy ti inpakaammo ni Vice Mayor Rey Carlos Fariñas.
Segun kenkuana, ar-aramidenda nga adda ti live streaming dagiti amin a session-da pakairamanan dagiti public hearing tapno uray saan a makaatendar a pisikal dagiti residente ditoy siudad ket maammoanda dagiti mapagsasaritaan ti konseho.
Inbatadna nga iti met public hearing ket mabalinda a makipartisipar babaen ti panangipaayda ti komento ken reaksion iti comment section ti live streaming.
Inlawlawagna a babaen iti daytoy ket mamati isuna a mapagtalinaed ti panagtalek dagiti residente ken maliklikan ti aniaman a porma ti anomalya.
Innayonna a nangilatangda ti pundo iti annual budget ti 2026 para iti pannakagatang ti nayon a camera a mausar iti session hall tapno napinpintas iti pannakaipatangatangna daytoy.
