LAOAG CITY – Awan pay ti impormasyon ti Philippine National Police (PNP) no sadinno ti ayan ni Sen. Ronald dela Rosa, nga ummunan a saan a nakita ti publiko kalpasan ti report a nangiparuk-at ti International Criminal Court (ICC) ti warrant of arrest kontra kenkuana.
Segun kenni acting PNP Chief Lt. Gen. Jose Melencio Nartatez, agpapan ita ket awan pay ti ideya da no sadinno ti posible nga ayan ti senador.
Maipalagip a sipud Nobiembre 11 ket saanen a nagatendar iti sesyon ni Dela kalpasan nga inrakurak ni Ombudsman Jesus Crispin Remulla nga adda ti warrant para iti pannakaarestar daytoy.
Kas ummuna a PNP chief iti babaen ti adminisrasyon ni dati a Presidente Rodrigo Duterte, ni Dela Rosa ti kangrunaan a nangipatungpal ti kontrobersyal a war on drugs.
Kabayatanna, kuna met ni Atty. Israelito Torreon nga adda laeng ditoy Pilipinas ni Dela Rosa.
Kunana a saan na a direkta a makasarsarita ti Senador ken ti komunikasyon ket babaen iti asawa ken annak ni Dela Rosa.
Innayon ni Torreon nga agamak ni Dela Rosa iti seguridad na ken kalikagom na a lawlawagan ti gobierno ti procedures paritkular iti surrender mechanism iti babaen ti Section 17 iti Republic Act 9581.
