LAOAG CITY – Inpaayan ti lokal a gobierno ti first aid kit dagiti 1,111 a tricycle driver ditoy ciudad ti Laoag.
Indaulwan da Konsehal John Michael Fariñas, Konsehal Jaybee Baquiran, Department of Public Safety (DPS) ken Gender and Development Office iti pannakaibunong dagiti first aid kit kadagiti tricycle drivers.
Target ti Department of Public Safety nga ad-ado pay a tricycle drivers ti maikkan ti first aid kit tapno adda ti nakasagana nga usaren da no kasapulan kabayatan ti panagpasada.
Inpanamnama ti lokal a gobierno nga ad-ado pay a tulong ti maipaay kadagiti tricycle driver ditoy ciudad ti Laoag.
