LAOAG CITY – Plano ti SK Federated President ti probinsia a ni Hon. Eldrich Viernes nga ipakaammo iti Department of the Interior and Local Government ti mapaspasamak kadagiti SK officials kadagiti sumagmamano a barangay.
Kunana nga inkonsultar na iti Chairman ti Committee on Laws a ni Bokal Saul Lazo tapno maasistiran daytoy no ania ti napintas nga aramiden na.
Segun kenkuana, makapa-alarma ti mapaspasamak nangruna ket maudi a tawen da intono 2026.
Innayon na nga ikarigatan da ti mangappointar ti chairman kadagiti barangay a nagresign ti SK chairman na kangrunaan na ditoy ciudad ti Laoag.
