LAOAG CITY – Naipaayan ti nayon a pamastrekan dagiti sumagmamano a residente ditoy ciudad ti Laoag.
Daytoy ti inpakaamo ni Mrs Perlita Cabello, mangidadaulo ti City Social Welfare and Development Office.
Inbatad na a kangrunaan a matulongan ket dagiti 22 a babai a residente iti Brgy. Cavit ditoy ciudad.
Segun kenni Cabello, ti pagsapulan a maipaay kadagitoy ket tipanagaramid ti inabel quilted souvenirs.
Naipaayan da ti nasurok P510,000 a puunan nga agaramid ti nagduduma a produkto ken souvenirs manipud ti abel.
Kunana a nagun-od daytoy babaen ti panakakikamayet ti City Social Welfare and Development Office. ken Public Employment Service Office (PESO) a paset ti DOLE-Assisted Livelihood Projects a mangtulong kadagiti nagduduma a grupo ken indibidual tapno umasenso ti panagbiag da.
Namnamaen na nga agballigi daytoy tapno ad-adon to pay ti matulongan babaen iti daytoy a programa.
