LAOAG CITY – Napan tinarimaan a dagus dagiti contractor dagiti kalsada wenno Farm to market road a naperdi iti ili ti Bacarra.
Segun kenni Bokal Marlon Sales, nagtignay a dagus dagiti contractor apaman a nakasarita na dagitoy.
Nupay kasta, inbatad na nga obserbaren da dagitoy no agbayag gapu ta no saan ket obligado da a mangpaikkat ken mangpasukat agsipud ta naka-warranty paylaeng.
Maipalagip nga immunan a napan ininspeksyon ti Sang Panlalawigan iti panangidaulo ni Bokal Sales kas Chairman ti Committee on Public Works dagiti sumagmamano a farm to market road iti ili ti Bacarr kalpasan nga adda ti report ni Mayor Nicomedes Dela Cruz a naperdi dagitoy.
Mainaig iti daytoy, inbatad ni Sales nga inimbitaran da dagiti contractors tapno ilawlawag no apay nga alisto a naperdi dagiti nasao proyekto.
Karaman kadagiti farm-to-market roads a napan ininspeksyon ti grupo ni Sales ket iti Brgy. Cabulalaan, Teppang, Tubburan, ken Pasciocan iti nasao nga ili.
