LAOAG CITY – Manamnama a suportaran ti rehiyon ti Niigata iti Japan ti desisyon a marugyan manen ti kadakkelan a nuclear power plant iti lubong.
Maibilang a maysa a napateg a kanito ti panagsubli ti operasyon ti nulear plant iti Japan sipud napasamak ti didigra iti Fukushima idi 2011.
Ti Kashiwazaki-Kariwa, a masarakan iti 220 km (136 miles) amianan a laud ti Tokyo, ket karaman kadagiti 54 a reactors a nagserra kalpasan ti napigsa a gingined ken tsunami a nangdadael ti Fukushima Daiichi plant iti kakaran a nuclear disaster sipud Chernobyl.
Apaman nga aglukat ti Kashiwazaki-Kariwa ket daytoy ti kaunaan nga iwanwan ti Tokyo Electric Power Co (TEPCO), a nangpataray ti Fukushima plant.
Inbatad ni Tokyo Electric Power Co spokesperson Masakatsu Takata nga agtalinaed da a natalged a nakatutuk a saanen a maulit ti insidente ken siguradwen a saanen a mapasaran dagiti residente ti kapada a pasamak.
