LAOAG CITY – Kalikagom ti Sang Bayan a maisapsapa ti pannakaited ti regalo dagiti senior citizen ken dagiti addaan ti rangkap ti bagina iti ili ti San Nicolas.
Daytoy ti maysa kadagiti napagsasaritaan iti konseho iti maudi a sesyon da ita a tawen.
Iti biang ti konseho, saan koma a lumabes iti sumagmamano nga aldaw sakbay a maited ti regalo ken nasaysayaat koma pay no maysa nga aldaw sakbay ti kasangay ti senior citizen wenno Person with disability ti pannakaipaay ti regalo da.
Malaksid iti kalikagom a maisapsapa ti pannakaipaay ti regalo dagiti maseknan ket masapol koma pay a maipangato ti awaten da gapu ta awanen ti pakaigatangan ti 500 a pisos.
