LAOAG CITY – Manamnama a malpasen iti umuna a lawas ti Enero inton sumaruno a tawen ti pannakatarimaan ti nadadael a Bukidnon-Davao Road idiay Sitio Kipolot, Quezon, Bukidnon.
Daytoy ti inbatad ti Department of Public Works and Highways (DPWH) iti baet ti pannakatarimaan dagiti kangrunaan a kalsada kadagiti nagduduma a paset ti pagilian.
Inbatad ni Department of Public Works and Highways Secretary Vince Dizon, ipada ti ahensia dagiti sumaruno a proyekto kadagiti post-disaster rehabilitation ken construction kadagiti rangtay, kalsada ken ospital.
Inpannakkel ni Dizon ti alisto a pannakalukat ti Piggatan Detour Bridge idiay Alcala, Cagayan nga inaramid laeng iti uneg ti 60 nga aldaw kasta pay ti pannakatarimaan ti nadadael a Cebu Provincial Hospital idiay Bogo City, Cebu gapu iti napigsa a gingined.
Inpakaammona ti balligi a pannakapatibker iti San Juanico Bridge idiay Tacloban City ken pannakatarimaan kadagiti pagadalan idiay Masbate a nadadael gapu iti Bagyo Opong.
Inpasigurado ti sekretario nga ipatungpal dagiti husto a presio kadagiti imprastraktura a saan a makompromiso ti kalidad ken kinaurnosna.
