LAOAG CITY – Pormalen a nagsapata ni General Nicolas Torre kas baro a Metropolitan Manila Development Authority General Manager kasukat ni Procopio Lipana.
Naiyuswat ti panagsapatana iti Malakanyang nga indauluan ni Executive Secretary Ralph Recto.
Naammoan a sakbay iti daytoy, pinirmaan ni Presidente Ferdinand Marcos Jr. ti appointment paper ni General Torre kas General Manager ti Metropolitan Manila Development Authority idi Disiembre 19, 2025.
Daytoy met ti aldaw a kinumpirmaran ti Malakanyang iti pannakadutokna iti nasao a posision.
Mainaig iti daytoy, kas baro a Metropolitan Manila Development Authority General Manager ket manamnama a sangoen ti heneral ti karit iti nakaro a trapiko idiay Metro Manila.
Karaman ditoyen ti pannakaipatungpal ti disiplina iti kalsada, problema iti layos ken naurnos a koordinasion kadagiti Local Government Units.
