LAOAG CITY – Inpalgak ni Palace Press Officer Claire Castro a kalanglanga ni Vice President Sara Duterte ti munmunyeka a ni “Chucky” no makapungtot.
Daytoy ti nagbalin a banat ni Castro kalpasan nga inrakurak ni Vice President Duterte a saanna a kayat a kablaawan ni Presidente Ferdinand Marcos Jr.
Dinillaw pay ti opisial ti panagbaliw ti langa ni Duterte no marurod gapu ta kunana nga uray la agsabat ti kidayna kagiddan ti panangipakitana iti ladawan ni Chucky, a maysa a munmunyeka manipud iti American horror film a “Child’s Play”.
Kabayatanna, inkalintegan ni Castro ni Presidente Marcos no sadinno a nakuna na a napakumbaba daytoy iti ania man nga oras.
