LAOAG CITY – Inadmitir ni Senate President Vicente Sotto III a nagbalin a narigat dagiti nailian nga isyu a sinango ti Senado ken iti intero a pagilian iti napalabas a tawen 2025.
Karaman ditoyen ti nalawa nga isyu ti korapsion a pakairamanan dagiti flood control projects ditoy pagilian.
Iti baet daytoy, mamati ni Senate President Sotto a ti tawen 2025 ket nagbalin nga oportunidad a maaddaan ti transparency ken tapno maikorehir dagiti nagbiddotan.
Kunana a naaddaan ti gundaway nga agbalin a nakalukat iti publiko ti proseso ti budget iti pagilian partikular ti deliberasion iti 2026 national budget.
Inlawlawagna a babaen iti daytoy a wagas ket naaddaan ti partisipasion ti tunggal Pilipino iti panangarisit iti budget dagiti umili.
Sinublianan pay ti lider ti Senado iti panagsubli iti Senado idi 2025.
Mainaig iti daytoy, inpasigurado ni Sotto ti kinapudno ken agtultuloy a panagserbi kadagiti Pilipino nga addaan ti sinseridad.
