LAOAG CITY – Inrakurak ni Vice Mayor Maynard Francis Bumanglag a planona iti pannakaipasdek ti commercial building iti highway iti ili ti Pinili.
Daytoy ket tapno adda ti agtultuloy a mapastrek iti nasao nga ili.
Inlawlawagna a saan nga agnanayon nga adda ti dakkel a pundo isut gapuna a maipangpangruna dagiti mabalin a pakabenepisiaran dagiti naruay nga umili.
Kunana a dagiti maipatakder a commercial building ket mabalin a pagabangan dagiti bangko, fast food chain ken dadduma pay nga establishimento.
Mamati ni Bumanglag nga agballigi daytoy a plano tapno adda manen ti panagprogreso iti nasao nga ili.
Innayonna nga in-inot iti panagaramidda dagitoy tapno napinpintas met laeng ti resultana.
Kabayatanna, naammoan a manarimaan metten ti pannakaplano a nasaayat ti pannakaipasdek ti sports center iti nasao nga ili.
