LAOAG CITY – Maalarma ni Bokal Rafael Medina iti kaawan ti Magnetic resonance imaging (MRI) kadagiti ospital ditoy probinsya isut gapuna a kasapulan a mapan paylaeng dagiti pasyente iti Ilocos Sur.
Segun kenkuana, no koma adda ti Magnetic resonance imaging (MRI) kadagiti ospital ditoy probinsya ket awanen ti mapmapan iti Ilocos Sur gapu ta ado met dagiti pasyente iti nasao a lugar iti nasao a medical equipment.
Kabayatanna, kinumpirmaran ti Chairman ti Committee on Health a ni Dr. Medeldorf Gaoat a maysa a bolanen nga awan ti Magnetic resonance imaging (MRI) kadagiti ospital ditoy probinsya karaman iti Mariano Marcos Memorial Hospital and Medical Center iti ciudad ti Batac.
Kunana a ti maibagbaga a rason ket gapu iti saan nga usto a supply ti kuryente isut gapuna a kalikagom na a maimbitaran dagiti maseknan a mangimatmaton iti ospital pakairamanan ti National Grid Corporation of the Philippines.
