LAOAG CITY – Nakasaganan ti district jail iti Sta. Cruz, Laguna para iti potensyal a pannakaibalud ti negosyante a ni Charlie “Atong” Ang.
Daytoy ti inbatad ti pannakangiwat ti Bureau of Jail Management and Penology (BJMP) a ni Jail Supt. Jayrex Joseph Bustinera.
Inlawlawag ni Bustinera a ti order ti korte a nangiparuk-at ti warrant of arrest ket iti Sta. Cruz, Laguna ti pakaibaludan ni Ang.
Kuna na a nupay daanen ti pagbaludan, addan ti 699-percent congestion rate daytoy ken kabaelan na paylaeng ti mangakomodar iti dadduma a balud.
Innayon ti BJMP official nga uray dagiti jail facilities iti Batangas ken San Pablo, Laguna nga ayan pay ti dadduma a pending cases ni Ang gapu iti maipagarop a pannakairaman na iti panagpukaw dagiti mammallot ket nakasagana metten kadagitoy a gundaway.
