LAOAG CITY – Namnamaen ti Philippine National Police (PNP) ti nasurok a 17,400 a body-worn camera a maideliber iti umuna a lawas ti bolan ti Mayo tapno tumulong a mangi-document kadagiti police operations.
Kabayatan ti hearing iti Senate Committee on Public Order and Dangerous Drugs, inbatad ni Police Brig. Gen. Engelbert Soriano, executive officer ti PNP Directorate for ICT Management, a dagiti camera ket addaan ti livestreaming capabilities.
Segun kenkuana, iti kada unit ket agbalor ti P32,000 isut gapuna nga umabot amin ti P872 million ti balor dagiti 17,454 units.
Target ti Philippine National Police ti gumatang iti pakabuklan a 90,000 body-worn cameras agingga iti 2028.
Inpakaammo ni Soriano a karaman pay a ginatang da dagiti desktop computers ken network-attached storage.
