LAOAG CITY – Nagsublin ti internet idiay Iran kalpasan ti agarop tallo a lawas ken maibilang a pakasaritaan a panagshutdown na iti nadakamat a pagilian.
Naishutdown ti internet iti Iran nangrugi idi Enero 8 ita a tawen tapno masigurado nga awan ti maiparuk-at nga impormasyon mainaig iti government crackdown kadagiti protesters.
Iti baet a nagsublin ti internet, saan nga amin a residente iti Iran ket maka-access gapu ta nagtalinaed ti naiget a pannakakontrol daytoy manipod kadagiti 97-milyon nga agnaed iti nadakamat a pagilian.
Immunan nga inrakurak ni Iranian Foreign Minister Abbas Araghchi a naishutdown ti internet kas paset ti addang da iti indiskribir na kas “terrorist operations”.
