LAOAG CITY – Inrakurak ti Israel ti maminsan manen a panaglukatda ti Rafah border crossing inton bigat.
Ti nasao a panaglukat ket kalpasan ti agarup dua a tawen a napaserraan daytoy.
Nupay kasta, ti nasao a crossing iti nagbaetan ti Gaza ken Egypt ken lukatan laeng tapno mapalubosan ti limitado a panaggaraw dagiti tattao.
Basar iti Coordinator of Government Activities in the Territories (COGAT) ken ti defence ministry body ti Israel nga isuda ti mangidaulo tapno bantayan ti nasao a panaglukat.
Mapalubosan met ti panagsubli dagiti residente manipud idiay Egypt nga agturong idiay Gaza.
Maysa daytoy kadagiti kangrunaan a pagdalyasatan dagiti humanitarian supplies para kadagiti minilyon a Palestino nga adda idiay Gaza.
Nakaipalaon iti ceasefire deal nga inlungalong ti Estados Unidos a nasken a lukatan ti Israel ti nasao a crossing.
Nupay kasta, saan nga inkankano ti Israel ken agtultuloy ti iwaywayatda a panangatake idiay Gaza.
