LAOAG CITY – Mapagam-amkan nga umabot iti 200 a tattao ti natay kalpasan a namin-ado a daras a nagreggaay ti major coltan mining site iti eastern Congo.
Segun iti pannakangiwat ti rebel-appointed governor of North-Kivu province a ni Lumumba Kambere Muyisa, ti nagreggaay a Rubaya mines ket kontrolado ti M23 rebels.
Kuna na a ti napasamak a landslides ket gubuay iti sumagmamano nga aldaw a pinagtudo na ti napigsa.
Inpakaammo na a kaadoan kadagiti biktima ket saanda pay a naiyaon manipod iti pannakagabur da ti daga.
Innayon na a malaksid kadagiti natay ket naruay pay a sabsabali dagiti nasugatan iti insidente.
