LAOAG CITY – Umad-ado dagiti agpanpanawagan para iti pannakai-ban iti social media kadagiti ubbing nga agtawen ti 16 agpababa idiay India.
Inkari dagiti sumagmamano a ministers ti India ti panangadal da ti linteg nga iti laeng kallabes ket nagepekton idiay Australia.
Kuna met dagiti ministers iti dua a southern states nga adalen da no ti pannakaipawil iti social media dagiti ubbing ket agbalin nga epektibo iti panangiyadayo kadakuada iti daytoy a banag.
Nupay kasta, nagballaag dagiti eksperto a ti ban ket saan nga alisto iti India ken possible a sumango kadagiti legal challenges.
Maipalagip a ti Australia ti nagbalin a kaunaan a pagilian iti living a nangi-ban ti kaadoan social media platforms para kadagiti ubbing nga agtawen ti 16 agpababa.
Naamoan nga uray ti United Kingdom ket ikonkonsiderar na metten nga ipatungpal ti nasao a ban.
