LAOAG CITY – Nangipasa iti konseho ditoy cuidad ti Laoag iti gakat a mangkita iti seguridad ken proteksion dagiti peddlers ken ambulant vendors ditoy cuidad.
Segun kenni Konsehal Enrico Kiko Ang, ti nasao a gakat ket gagem na a maurnos ken maplastar dagiti peddlers ken ambulant vendors iti umiso a paglakaoan da.
Kunana a rumbeng pay a nakarehistro ti business permit da, makita a nasayaat ti permit number da, addaan dagitoy ti health certificate ken dadduma pay.
Inbatad pay ni Ang a masapol a nadalus dagiti tagilako da, pakairamanan iti pannakaakop dagiti basurada ken panagitugot iti kabukbukudan da a trash bin .
Mainaig iti daytoy, kunana a babaen iti daytoy ket ad-adda a tungpalen na dagiti paggannurutan ken awan iti labsingen da.
Kabayatanan, kunana a katulungan da iti Business Permit and Licensing Office, City Health Office, Philippine National Police ken dadduma pay nga ahensya a mangiyimplementar iti nasao nga addang.
