LAOAG CITY – Naiget a naglikudan ni Senador Imee Marcos nga isuna ti akin-utek iti pangta a kudeta iti liderato ni Senate President Tito Sotto III.
Inpetteng ti Senadora a saan daytoy ti nagtignay iti gandat a pannakabalbaliw iti liderato ti Senado ken sibubukel a minorya ti makaipaneknek iti daytoy.
Inlawlawagna nga isuna pay ti naudi a nakaammo ken nakikappeng iti nasao nga addang ti minorya nga ilungalong ti panagsukat ti liderato.
Inkalintegan ni Sen. Marcos, ti panagsukat ti Senate President iti uneg ti Senado ket gapu iti panagdanag dagiti Senador a mangdadael iti institusionda gapu kadagiti kaso ken kontrobersial a saan a dagiti Senador ti nasken a mapagsungbat.
Inbatadna a saan a dakkel a banag para kenkuana dagiti diskurso ken saan a panagkinnaawatan basta adda daytoy iti umno a rason isut gapuna a nabara ti panagyamanna ken ni Sotto a pagtalinaeden isuna kas Chairman ti Committee on Foreign Relations uray saan daytoy a karaman iti mayorya.
Maipalagip nga inrakurak ni Sotto a maysa kadagiti nang-trigger ti coup d’etat attempt kontra kenkuana ket ti pannakaikkat ken ni Sen. Imee kas Chairman ti Senate Committee on Foreign Relations.
