LAOAG CITY – Kalikagum ti Provincial Government of Ilocos Norte nga ad-adda pay a maipangato ti demand ti tabako.
Segun ken ni Gov. Cecilia Araneta Marcos, gapu iti kampania ti World Health Organization mainaig iti tabako ket bimmaba ti demand-na daytoy iti intero a lubong.
Inlawlawagna a saan laeng nga iti panagsigarilio ti usar ti tabako no diket mabalin pay ti agaramid ti nagduduma a produkto kas ti sobre, karton ken dadduma pay.
Kunana nga itultuloy latta ti probinsia nga ilako ti produkto a tabako kadagiti kompania.
Maipalagip a babaen iti Republic Act No. 7171 ket maiyalalokar ti 15 a porsiento ti makolkolektar a buis kadagiti mailako a produkto a tabako iti probinsia a paggapoanna a dakkel a maus-usar ti tunggal probinsia ken lokal a gobierno para kadagiti pagkasapulan dagiti mannalon.
