LAOAG CITY – Kalikagum ni Ilocos Norte 2nd District Rep. Angelo Marcos Barba nga agbalin a “dream come true” dagiti amin a programa ditoy probinsia nangruna para kadagiti atleta.
Segun kenkuana, adda ti sumurok 200 a milyon a pisos manipud iti opisinana para iti INSPIRE building.
Inbatadna a posible nga agbalin nga sports hub ti probinsia ngem saanna pay nga inbuksilan ti dadduma pay a detalye maipanggep kadagiti plano.
Inlawlawagna nga addan iti maikatlo a tawen ti tennis clinic no sadinno a dagiti ubbing nga agtawen ti 10 ken agpababa dagiti kangrunaan a makiparpartisipar iti ay-ayam.
Kunana a babaen iti daytoy ket makadiskrubre ti probinsia ti nalalaing nga atleta nga agbalin kas ken ni Alex Eala ken dadduma pay a nalalatak nga umaayam.
