LAOAG CITY – Maisayangkat ita a bulan ti Marso ti nagduduma nga aktibidad kagiddan iti pannakaselebrar ti National Women’s Month.
Segun ken ni Mrs. Mary Joan Pasugui, Focal Person ti Local Committee against Trafficking Violence against Women and their Children ditoy siudad ti Laoag a napateg iti panangrambak ti National Women’s Month.
Inbatadna nga iti umuna nga aldaw iti bulan ti Marso ket maiyuswat ti kick off program kas paset ti womens celebration no sadinno a nangiwaytda ti zumba babaen iti local council women ken panag-fashion dagiti nangabak a milestone award ken dadduma pay.
Malaksid iti daytoy, kunana nga adda pay ti nagbalin a Pledge of Commitment para iti karbengan ken panagrespetar, babai man wenno lalaki.
Naammoan a ti tema iti National Women’s Month ita a tawen ket “We Gender Equality & Inclusive Society.”
