LAOAG CITY – Kinataripnong ti Department of Health (DOH) dagiti Kapitan iti National Capital Region (NCR) para iti naikeddeng a ligtas tigdas campaign ti ahensia.
Inwayat ti Department of Health–Metro Manila Center for Health Development ti tallo nga aldaw a panagtataripnong idiay Manila kaduana dagiti Kapitan manipud iti high-yielding ken high-risk barangays para iti Measles-Rubella Vaccination Activity.
Natalantan iti taripnong ti agdama a situasion ti measles-rubella iti National Capital Region, ti campaign brief, dagiti responsibilidad dagiti Kapitan iti Measles-Rubella Supplemental Immunization Activity ken ti communication plan para iti rehion.
Gagem ti addang a papigsaen ti koordinasion dagiti lokal a gobierno kas panagsagsagana iti Ligtas Tigdas Campaign inton Hunio 2026.
Nagpalagip ti Department of Health ti agtultuloy a regular a panagpabakuna iti intero a pagilian.
