LAOAG CITY – Nagkedkedan ti Sandiganbayan 6th Division ti mosyon ni dati a kongresista Zaldy Co a baliktaden ti deklarasyon a daytoy ket “fugitive from justice.”
Segun iti korte, awan ti merito ti mosyon na ken daytoy ket naipila kalpasan a naglabas iti naikeddeng a reglementary period.
Iti resolusyon, inpetteng ti Sandiganbayan a ti agtultuloy a panagpukaw ni Co ken saanna nga isusuko wenno panagsubli iti pagilian, iti baet ti sangsangwen na a kaso ket nalawag nga indikasyon ti intensyon na a mangliklik ti linteg.
Innayon ti korte a saan a mabalin a mairanud ni Co iti aniaman a judicial relief kabayatan a daytoy ket pugante.
Sumangsango ni Co iti kaso a graft ken non-bailable malversation of public funds, ken immunan a nakanselar ti pasaporte na idi Enero 2026 tapno lapdan ti agtultuloy a panangliklik kadagiti otoridad.
Iti baet ti apela ni Co, nagtalinaed ti takder ti Sandiganbayan nga awan ti pagibasaran tapno baliktaden ti immunan a desisyon isut gapuna nga agtalinaed daytoy a “fugitive from justice” ti dati a kongresista.
