LAOAG CITY – Inlawlawag ni Atty. Levi Baligod a maibilang a potential witnesses ti National Bureau of Investigation (NBI) ken saan a suspek dagiti 18 a dati a marino a klientena.
Inbatad ni Baligod, agsagsagana dagiti dati a suldado kadagiti ebidensia mainaig iti maipagarup a panangawat kadagiti naka-maleta a kuarta ti sumagmamano nga opisial ti gobierno.
Kunana a posible nga agsubli iti National Bureau of Investigation ti grupo inton sumaruno a lawas tapno agisubmitir dagiti nayon a dokumento ken supporting evidence nga adda ti pakainaiganna kadagiti inbutaktakda.
Kwinestionaran pay ni Baligod ti desision ti National Bureau of Investigation a saggaysa nga i-interrogate dagiti a suldado nga imbes a patulodan ti subpoena dagiti opisial a nadakamat kadagiti inbutaktakda.
Iti baet daytoy, inpasigurado ni Baligod ti pannakitinnulong iti imbestigasion ti National Bureau of Investigation kas pammaneknek nga awan ti ilimlimedda.
