LAOAG CITY – Inpasigurado ti Provincial Government of Ilocos Norte nga idadauluan ni Gov. Cecilia Araneta Marcos a naiget ti pannakikoordinarda kadagiti Local Government Units tapno maliklikan ti uram ita a dry season.
Segun iti Gobernador, kinasaritana ni Fire Superintendent Roxanne Parado, Provincial Fire Marshal ti Bureau of Fire Protection ditoy Ilocos Norte a naiget a makikokoordinar ti probinsia para iti panangimpormar ti kaadoan mainaig iti panangliklik ti uram.
Inbatadna a rumbeng laeng nga agbalin a naridam dagiti umili tapno ammoda ti ar-aramidenda no bilang adda dagiti saan a mapakpakadaan a pasamak kas ti uram.
Kunana a masansan nga adda ti mapaspasamak nga uram kagiddan iti Fire Prevention Month isut gapuna a nakikoordinar pay daytoy kadagiti Barangay Ranger Officers.
