LAOAG CITY – Pinatibker ti kamara de representantes ti bersion ti senado ti nailungalong a linteg a mangipalubos iti temporaryo a pannakaipababa wenno pannakasuspenso ti excise tax iti produkto a petrolyo.
Gagem daytoy nga addang a makissayan ti epekto ti agtultuloy a panagngato ti presyo ti gasolina, diesel, ken dadduma pay a magatgatang.
Segun ken ni House Majority Leader Ferdinand Alexander “Sandro” Marcos, ti nailungalong a linteg ket safety valve iti panawen ti krisis kas ti agdama a sitwasyon iti Middle East, a nangotunda ti panagngato ti presyo ti langis ken dadduma pay a kangrunaan a kasapulan iti panagbiag.
Iti babaen ti linteg, mabalin nga ikkaten ni Presidente Ferdinand Marcos Jr. ti agingga iti P10 iti kada litro nga excise tax iti gasoline ken P6 iti diesel no ti presyo ti krudo no umabot wenno aglabes iti $80 ti kada bariles iti uneg ti maysa a bolan, wenno adda ti naideklarar a national emergency.
Ti bisa ti suspension wenno reduction ket agingga iti innem a bolan malaksid no iyalud-od ti kongreso.
