LAOAG CITY – Inrakurak ni Manila 3rd District Representative Joel Chua a sayangguseng laeng ti constitutional issues nga ibagbaga ti kampo ni Vice President Sara Duterte mainaig iti proseso ti impeachment kontra kenkuana.
Segun kenkuana, naiget a sursuroten ti Kamara de Representantes ti pagannurotan mainaig iti due process nga indatag ti Korte Suprema.
Inbatadna a pinilida ti immuna nga impeachment mode tapno maliklikan a maulit ti panangibato kadagiti isyu a legal iti umuna nga Articles of Impeachment kontra ken ni Vice President Sara.
Saan met a nasdaaw ni Akbayan Party-list Rep. Perci Cendaña ti kiddaw iti Korte Suprema ti kampo ti Bise Presidente nga ipasardeng ti proseso ti impeachment iti Kamara de Representantes.
Kuna ni Cendaña, namnamaenen ken saan a nasdaaw ti nadakamat a tignay dagiti abugado ti Bise Presidente.
