LAOAG CITY – Nangrugin ti pannakaisayangkat ti Lenten Journey-Kalesa station of the cross iti gobierno lokal ditoy ciudad ti Laoag.
Segun kenni Mrs. Mary Jane Leaño, awan ti kwalipikasyon no siasinno ti mabalin nga aglugan iti kalesa gapu ta amin a lokal ken turista ket mabalin da a gundaway daytoy ken libre.
Kuna na a ti laeng aramiden da ket agrehistro iti link nga inparuk-at da.
Namnamen na a babaen iti daytoy ket mairiing kadagiti umili ti kinapateg ti kalesa a maibilang kas maysa a pakabigbigan ti kultura ditoy ciudad ti Laoag.
Inpaganetget ni Leaño a rumbeng saan a palabsen daytoy dagiti turista gapo ta napateg a mapadasan da ti aglugan ti kalesa tapno ad-adda pay a maawatan da ti kabibiag ditoy Ilocandia.
Inpakaammo ni Leaño a dagiti pakaiwayatan ti Station of the Cross ket dagiti sumaganad:
STATION I – LAOAG CITY HALL
STATION II – ILOCOS NORTE PROVINCIAL CAPITOL
STATION III – SINKING BELL TOWER
STATION IV & V- BONIFACIO STREET
STATION VI – FEM STADIUM
STATION VII – FEM ROTUNDA
STATION VIII & IX – HEROES’ WALK STATION
X- CENTENNIAL ARENA
STATION XI & XII – SIRIB MILE
STATION XIII & XIV – AURORA PARK
Innayon ni Leaño nga adda ti 18 a kalesa ti makipaset ken basar ti pannakisarsarita ti Bombo Radyo kadagiti sumagmamano a kalesa ket maipayan da ti 2 ribo a pisos iti kada aldaw kas sweldo da.
