LAOAG CITY – Inpetteng ni Sen. Win Gatchalian ti panangipaay ti P1,500 a binulan a tulong pinansial kadagiti minimum wage earners.
Iti preliminary report ng Proactive Response and Oversight for Timely and Effective Crisis Strategy (PROTECT) committee, kuna ni Gatchalian a ti krisis iti Middle East ket mangitunda ti pannakapukaw ti kabaelan a gumatang dagiti mangmangged gapu ta al-alisto a ngumato dagiti presio ngem iti sueldo.
Adda ti lima a milyon a minimum wage earners ti manamnama a mabenepisiaran iti binulan a P1,500 a tulong no bilang matuloy.
Ti insingasing a programa ket ilatangan ti gobierno ti sumurok-kumurang P7.5 bilyon iti kada bulan.
Immunan nga inpasigurado ti Department of Budget and Management (DBM) iti publiko nga adda dagiti contingent fund a nakailatang no bilang ipatungpal ti Department of Labor and Employment (DOLE) ti panangiyalud-od ti tulong pinansial kadagiti minimum wage earner nga apektado ti panagngato ti presio ti gasolina.
Inrakurak ti Malacañang nga adalen ti gobierno ti kiddaw para iti tulong pinansial kadagiti minimum wage earner, middle class ken dagiti empleado ti gobierno nga apektado met ti krisis iti langis a resulta ti rinnupak iti Middle East.
