LAOAG CITY – Ilunglungalong ti kababaan a pagpandayan linteg ti kongreso ti agresibo nga iyaakar iti renewable energy ken panagusar ti electric vehicles (EVs) kas napaot a solusyon tapno maalay-ayan ti naiget nga epekto ti mapaspasaran nga oil crisis iti pagilian.
Inpetteng ni House Ways and Means Committee Chairman Representative Miro Quimbo a saan nga umdas dagiti apagbiit a solusyon wenno ayuda.
Basar iti agpanpanday linteg, panawenen tapno agpuunan ti gobierno kadagiti alternatibo a pagalaan ti enerhiya, partikular ti panagikabil ti solar ken battery storage facilities.
Kas kaunaan nga addang tapno makissayan ti nakaro a panagdependar ti Pilipinas iti imported a petrolyo, inrekomendar met ni Quimbo a rugyan ti transisyon iti bukod a paraangan ti gobierno.
Inlungalong na a pagbalinen a de-kuryente wenno sukatan ti electric vehicles ti saan a nababbaba iti kagudua dagiti behikulo nga us-usaren dagiti ahensya ti gobierno.
