LAOAG CITY – Inbatad ti Department of Energy (DOE) nga imposiblen a maisubli ti P60/litro a presyo ti krudo ken gasolina gapu iti epekto ti tension idiay Middle East.
Segun ken ni Energy Secretary Sharon Garin, daytoy ket gapu kadagiti nagbalin nga structural damages a maysa kadagiti kangrunaan nga epekto ti rinnupak iti rehiyon.
Inpetteng na a saanda a masigurado no kaano a maisardeng ti rinnupak ken no kasano iti kapaut ti pannakatarimaan dagiti oil-related facilities.
Iti baet daytoy, inpasigurado ni Garin nga agtultuloy ti panagiwaras ti gobierno kadagiti fuel subsidies para kadagiti drivers nga apektado iti dakkel a nagngatoan ti presyo ti petrolyo.
