LAOAG CITY – Indeklarar ti Haiti ti tallo nga aldaw kas national mourning kalpasan ti pannakatay ti 30 nga indibidual gapu iti stampede.
Daytoy ket kabayatan ti tinawen a panangselebrar dagiti estudiante ken bisita para iti Laferriere Citadel tourist attraction.
Iti national address ni Prime Minister Alix Didier Fils-Aimé, inrakurakna a mangrugi ti panagladingit ita nga aldaw ken inpasingkedna nga ibaklay ti gobierno ti amin a gastosen iti pannakaimansayag ken pannakaitabon kadagiti biktima.
Maipalagip nga inpasiguradona ti pannakaiwayat ti naun-uneg nga imbestigasion tapno maammoan no kasano a napasamak ti stampede.
Immuna iti daytoy, indanon met a dagus ti gobierno ti Haiti ti pannakipagladingitda iti pamilia dagiti pimmusay iti insidente.
