LAOAG CITY – Inlawlawag ni Justice panel chairman ken Batangas Rep. Gerville Luistro a saan a “trial” ti iyus-uswat da iti Kamara de representantes no di ket maysa a pakpakauna a proseso laeng tapno maamoan no adda ti probable cause wenno umdas a pagibasaran tapno iyuli ti kaso iti Senado.
Inpetteng ni Luistro a ti Kamara de representantes ti addaan ti eksklusibo nga otoridad tapno rugyan ti impeachment, idinto a ti Senado ti agserserbi nga impeachment court a manghusgar no “guilty” wenno “not guilty” ti maysa nga opisyal.
Naiget na pay a naglikudan a lumablabes ti bileg ti komite.
Segun ken ni Luistro, ti ar-aramiden da ket maiyataday iti konstitusyon ken iti bukod a pagannurutan ti kamara de representantes ken saan a maysa a “fishing expedition.”
Innayon na a gagem ti panagdengngeg a tingitingen ti ebidensya ken amwen no adda ti umdas a rason tapno itultuloy ti kaso wenno naan-anay nga ibasura.
Sinungbatan pay ni Luistro dagiti pammabalaw nga ibilang na a maysa laeng daytoy a distraksiyon.
Inpasigurado na a kabaelan nga annungen ti gobierno ti ado a trabaho na nga aggigiddan ken saan a rumbeng a liklikan ti maysa nga iysu gapu laeng iti ado pay a problema.
