LAOAG CITY – Insingasing ti Bangko Sentral ng Pilipinas (BSP) ti baro a pagannurotan tapno gutigoten dagiti bangko nga agpautang para iti eco-friendly wenno climate-resilient a pabahay.
Iti babaen ti draft circular, maipababa ti “credit risk weight” ti sustainable housing loans manipud 50% agingga 20%.
Kayatna a saoen, basbassit a pundo ti kasapulan nga urnongen dagiti bangko no agpapautang para iti kastoy a klase ti bahay isut gapuna nga ad-adda a maallukoy dagitoy a pundoan daytoy.
Gagem ti Bangko Sentral ng Pilipinas a papigsaen ti kabaelan ti pagilian a makagiddan iti epekto ti climate change nangruna ket masansan a tamaan ti Pilipinas ti layos, bagyo ken nakaro nga init.
