LAOAG CITY – Inrakurak ti Philippine National Police ti nagbalin a nagbabaan ti nairekord a naglabsing ti ordinansa iti babaen ti Safer Cities Initiatives ti Department of the Interior and Local Government (DILG).
Basar iti datos, manipud sumurok a 11,000 a nairekord idi Abril 6, nagbalin laengen daytoy a sumurok 6,500 ti naglabsing idi Abril 19.
Inbatad ni Philippine National Police Spokesperson and Public Information Office (PIO) Chief PBGen. Randulf Tuano, ti nagbaliwan ti datos a nairekord ket gapu iti ad-adda a pannakaammoda ti ordinansa a nangitunda ti nangato a compliance dagiti umili kadagiti lugar nga agdama a mangipatpatungpal ti ordinansa.
Kabayatanna, segun kadagiti nairekord a naglabsing, kaadoan a nairekord ket manipud iti Northern Police District (NPD) a sarunoen ti Southern Police District (SPD) nga addaan ti agarup 1,600 ti nairekord a kaso simmaruno met ti Quezon Police District (QCPD) nga addaan ti agarup 1,400 ti naglabsing.
Iti agdama, manarimaan ti panagmonitor dagiti pulis ti compliance ti publiko ken maal-allukoy dagitoy a suruten ti ordinansa para iti naan-annad ken nakappia a komunidad.
