LAOAG CITY – Pinatibker ti Department of Energy (DOE) ken United States Grains Council ti partnership-da para iti panangilungalong ti bio-fuel iti Pilipinas.
Daytoy ti napagsasaritaan iti pannakitaripnong ni Department of Energy Undersecretary Alessandro O. Sales iti United States Grains Council (USGBC).
Gagem ti panagtataripnong a papigsaen ti koordinasion ti dua a pagilian para iti panagpadur-as iti biofuels sector iti pagilian.
Nagbalin a sentro ti discussion ti agtultuloy a suporta ti United States Grains Council iti pagilian iti babaen ti technical assistance ken capacity-building initiatives pakairamanan ti policy support, feedstock development ken ti panagsagsagana para iti nangatngato nga ethanol blending targets.
Inpasigurado met ti Department of Energy nga agtultuloy ti panangpasayaatda iti energy security ken ti panangilungalong iti panagusar ti biofuels iti babaen ti international partnerships.
Kabayatanna, ditoy Pilipinas, imanmandar ti biofuel blending babaen ti coconut oil para iti biodiesel ken sugarcane iti bioethanol.
