LAOAG CITY – Saan nga ik-ikkaten ti Department of Justice (DOJ) ti posibilidad a posible a nakaruaren iti kustodiar dagiti otoridad ti Czech Republic ti dati nga agpanpanday linteg a ni Zaldy Co.
Inbatad ni Department of Justice Secretary Fredderick Vida nga awan ti kasiguradoan nga iggem pay laeng dagiti otoridad ni Co ken nasken nga irespetar ti lintegda.
Naiget a kumkumpirmaren ken iberberipikar pay laeng ti Department of Justice dagiti nasao a report.
Nangipaaydan kadagiti impormasion kadagiti immigration officials ti Pilipinas ken kapulisan a ni Co ket adda iti babaen kadagiti otoridad ti Czech.
Personal a nagturong idiay Czech Republic ni Co tapno makaala kadagiti impormasion ken kitaen dagiti posibilidad a makaipaay ti red notice manipud iti Interpol kontra ken ni Co.
Adda ti baro a grupo ti agturong iti Central European country tapno ikabil dagiti dokumento a mangipaay ti makaigapu para iti red notice ken ni Co.
Awan ti makitkitana a deadline gapu ta adda ti bukud a sistema ti Czech a rumbeng nga irespetar.
Maipalagip nga immunan nga inanunsio ni Presidente Ferdinand Marcos Jr. a naarestar iti Czech Republic ni Co gapu iti kinaawan dagiti dokumento.
Ni Co ket sumangsango kadagiti nagduduma nga anomalya nga adda ti pakainaiganna iti flood control projects.
