LAOAG CITY – Inbatad ni Commission on Higher Education (CHED) Chairperson Shirley Agrupis a saan pay a panawen tapno ipangato ti matrikula kadagiti pampubliko ken pribado nga higher education institutions (HEIs), iti baet ti maipatpatungpal a national energy emergency ken agtultuloy a panagngato ti magastos.
Segun ken ni Agrupis, ngumatngato ti bilang dagiti agkidkiddaw a maipangato ti tuition fee gapu iti nangato unay nga operational costs kadagiti pagadalan.
Kuna na a nupay nakaawat ti Commission on Higher Education ti ado a petisyon, adda ti sumagmamano a pribado nga higher education institutions ti immanugot nga itantan paylaeng ti panagipangato da ti matrikula.
Para met iti state universities and colleges (SUCs), inbatad ti Commission on Higher Education a naipilan iti Department of Budget and Management (DBM) ti nailungalong nga harmonization ti tuition fees iti babaen ti Republic Act 10931 wenno Universal Access to Quality Tertiary Education Act.
