LAOAG CITY – Birbiruken ti World Health Organization dagiti pasahero a naglugan iti maysa a flight manipod iti isla ti Saint Helena nga agturong idiay Johannesburg a nagluganan ti maysa a cruise ship passenger a natay gapu iti hantavirus.
Segun ti South African airline nga Airlink a nakabase idiay South Africa, adda ti pakabuklan a 82 a pasahero ken innem a crew ti naglugan iti nasao a flight idi Abril 25 ita a tawen.
Karaman kadagiti pasahero ti maysa a babai a Dutch a ti asawa na ket natay gapu iti nasao a virus.
Segun ti WHO, kimmaru ti kasasaad ti babai bayat nga agbibiahe dagitoy nga agturong idiay Johannesburg.
Immuna a bimmaba ti babai manipod iti barko iti Saint Helena idi Abril 24, kalpasan a nakarikna iti sintomas iti gastrointestinal ken idi nakadanun iti ospital ket saanen a nakalasat ken nagpositibo iti hantavirus.
