Kinumpirmaran ti Department of Migrant Workers (DMW) a nasugatan ti pito a Pilipino seafarers kalpasan a natamaan ti Iranian drone ti barkoda a Maltese-flagged container ship CMA CGM San Antonio.
Segun kenni DMW Secretary Hans Leo Cacdac, dagiti pito a Pilipino a seafafrers ket nagsagaba ti sugat ken agdama a maag-agasan iti balay pag-agasan.
Kinunana nga uppat kadagitoy ket nakaala ti minor injuries kabayatan a ti tallo ket adda iti naiget a panang-monitor.
Iti agdama, segun kenni Secretary Cacdac, imon-monitor dagiti opisial ti Philippine Embassy ken labor attaché ti kondision dagiti nasugatan a Pilipino ken natawagan dagitoyen babaen ti hospital authorities.
Napasamak ti insidente kabayatan a dumaldalyasat ti barkoda iti Strait of Hormuz a maibilang a high-risk ken warlike area gapu iti rinnupak iti baet ti US, Israel ken Iran.
