LAOAG CITY – Kinumpirmaran ti International Criminal Court (ICC) a nangiparuk-at ti tribunal ti warrant of arrest kontra ken ni Senador Ronald “Bato” Dela Rosa, ti kaunaan a nadutukan kas hepe ti Philippine National Police (PNP) ni dati a Presidente Rodrigo Duterte.
Ti kaso ket adda ti pakainaigan dagiti pammapatay iti babaen ti war on drugs campaign ti napalabas nga administrasyon.
Immunan nga inrakurak ni dati a Senador Antonio Trillanes IV, a maysa a kopya ti warrant ti naipatulod iti Philippine Center on Transnational Crime.
Nadakamat pay iti warrant nga adda ti maipagarop a pagsungsungbatan ni dela Rosa kas “indirect co-perpetrator” iti kaso a crimes against humanity of murder manipud Hulyo 3, 2016 agingga iti naudi nga aldaw ti Abril 2018, a saan a nababbaba ngem 32 a tattao ti natay.
Ni Dela Rosa ti hepe ti Philippine National Police idi kangitingitan ti nadara a kampanya kontra droga ti administrasyong Duterte.
Nakita ti korte nga adda ti pagibasaran tapno mamati a nagbasol ni dela Rosa ti crimes against humanity na murder.
