LAOAG CITY – Opisyalen a naisumitir iti senado ti Articles of Impeachment kontra ken ni Vice President Sara Duterte.
Naipasa ti Articles of Impeachment iti senado iti oras ti alas-siete iti rabii, ita nga aldaw ti Miyerkules, Mayo 13.
Ti Articles of Impeachment, nga opisyal a kaso nga inyendorsar ti kamara de representantes kontra iti bise presidente ket inkabil da House of Representatives Secretary General Cheloy Garafil ken Ferdinand Melchor Dela Cruz.
Immuna iti daytoy, nagbotos ti House plenary tapno ma-impeach ni Vice President Duterte, no sadinno a 257 dagiti agpanpanday linteg a nagbotos ti “YES” idinto a 25 ti nagbotos ti “NO” ken siyam ti nag-abstein.
maipalagip a daytoyen ti maikadwa a gundaway a na-impeach ni Vice President Duterte iti kamara de representantes no sadinno nga idi 2025 ket 215 a kongresista ti nangpabor iti pannaka-impeach ti bise presidente, ngem indeklarar ti Korte Suprema kas unconstitutional.
