LAOAG CITY – Awan ti maymaysa wenno sigurado nga oras tapno ag-ehersisyo a maibagay iti amin, ngem basar kadagiti eksperto, adda ti bukod a benepisyo ti panagwork-out iti bigat, malem ken rabii.
Basar kadagiti fitness ken health expert, ti panag-ehersisyo iti bigat ket makatulong tapno mapapigsa ti energy ken mapasayaat ti mood nga agmalmalem.
Makatulong pay daytoy a mangpapigsa ti metabolism isut gapuna nga ad-ado a calories ti matunaw iti bagi.
Kabayatanna, maibagbaga a napigpigsa ken ad-adda a nakasagana dagiti susuup no ti panag-ehersisyo ket iti malem wenno rabii gapu ta nangatngato ti body temperature kadagitoy nga oras, ad-adda a maigaraw ti bagi ket makissayan ti risgo ti injury.
Para met kadagiti agkalikagom a maipababa ti stress, mabalin met a makatulong ti panag-ehersisyo ti rabii gapu ta makatulong daytoy iti panangiparuk-at ti “endorphins” wenno dagiti hormone a mangitunda ti napintas a marikrikna.
Nupay kasta, nagpalagip dagiti doctor a liklikan ti nalabes a panag-ehersisyo sakbay a maturog gapu ta mabalin a mangituda ti saan a pannakaturog a dagus ti sumagmamano nga indibidual.
