LAOAG CITY – Inanunsio ti Department of Energy (DOE) nga inaramiden a nationwide ti gasoline stations no sadinno a mabalin nga ag-avail ti 10 a pisos a fuel subsidy para kadagiti public utility vehicles.
Basar iti Department of Energy, gagem daytoy nga ad-adda a mapalawa pay ti madanon ti programa ken ad-adu a driver ti mabenepisiaran.
Iti babaen ti programa, mabalin a maka-avail dagiti kualipikado a driver ti ₱10 a diskuento iti kada litro ti diesel ti agingga 150 liters iti kada lawas.
Daytoy ket katukad ti ₱1,500 a mainot dagiti driver iti kada lawas ngem nakadepende iti aktual a konsumo.
