LAOAG CITY -Umabot iti 19 a tattao ti naitaray iti ospital kalpasan ti pannakaangot da ti in-spray ti maysa a lalaki iti cash machine iti shopping complex idiay Tokyo, Japan.
Basar kadagiti otoridad, ti substance ket mapapati a maysa nga irritant spray, a binigbig dagiti otoridad nga addaan ti capsaicin a mabirukan iti chilli peppers.
Naamoan a kalpasan a naangot dagiti tattao ti nasao a substance ket nakarikna da ti panagsakit ken panagbudo ti karabukob da.
Iti agdama, agtultuloy ti panangbirbiruk dagiti otoridad iti lalaki a responsable iti napasamak.
