LAOAG CITY – Malappedan ti panagraira ti Ebola iti Democratic Republic of Congo a nakatayan ti sumurok 200 basar ken ni United Nations Health Chief Tedros Adhanom Ghebreyesus iti panagbisitana iti nasao a pagilian tapno idauloan ti laban kontra iti nakaro a makaakar a sakit.
Bisitaen ni Tedros ti probinsia iti amianan a daya ti Democratic Republic of Congo a sentro ti epidemia.
Inkari ni Tedros nga aramidenna ti amin a kabaelanna tapno tulungan ti Democratic Republic of Congo ken saan a supsuportaran ti World Health Organization ti travel ban tapno labanan ti outbreak gapu ta saan met daytoy a makatulong.
Basar iti kaudian a datos ti World Health Organization agingga idi Mayo 24, adda ti 10 a kumpirmado ken 223 a mapagat-atapan a natay gapu iti Ebola iti Democratic Republic of Congo sipud idi naideklarar ti outbreak idi Mayo 15, manipud iti sumurok 1,000 a kumpirmado ken mapagat-atapan a kaso.
Posible a nalawlawa pay ti pudno a sakupen daytoy basar iti ballaag ti World Health Organization.
Daytoyen ti maika-17 a panagraira ti Ebola iti nalawa a pagilian iti tengnga ti Africa nga adda ti sumurok 100 milyon a populasion.
